يوم ما حسيت بحبهه
قربت منه خوفت اقوله بلسانى
لكن بقلبى قولتها
قولتها بخوفى عليه
بلمسه ايدى وانا بسلم عليه
بعينى لما بتيجى فى عنيه
قولتها من غير كلام
قولتها يا قلبى بشوق وحنان
سمعتها يمكن لكن كان نفسى تحسها
ليه يا قلبى مش باين حبك عليه
ليه مش شايفه فى عنيه
سهران حيران تناديه
تحلم وترسم حلمك بيه
احساسك كله ليه
وخايف تقول بحب
طيب خايف ليه
هو الحب ذنب علشان نداريه
ولا اللي بيحب بجد
بيخاف حتى يقول بحب
جرحك يا قلبى فى سكوتك
ليه يا قلبى حابس صوتك
قول بحب يمكن فيها دوا لجروحك
